जामखेड, 31 मे 2024: आजच्या धकाधकीच्या जीवनात अनेक आजारी व्यक्तींना रक्ताची गरज असते. रक्ताची कमतरता टाळण्यासाठी आणि गरजूंना मदत करण्यासाठी, जामखेड पोलीस स्टेशन दरवर्षी महाराष्ट्र दिनानिमित्त रक्तदान शिबीर आयोजित करते.
परंतु यंदा लोकसभा निवडणुकीमुळे 1 मे रोजी शिबीर आयोजित करता आले नाही. तरीही, देशभक्ती आणि समाजसेवेची भावना जागृत ठेवण्यासाठी, 3 जून 2024 रोजी रक्तदान शिबीर आयोजित करण्यात येत आहे.
शिबिराची तारीख आणि वेळ:
- तारीख: 3 जून 2024
- वेळ: सकाळी 10 ते सायं 5
वाचा:Notice | पाथर्डी आणि जामखेड तालुक्यातील रोहयो विहीर मंजुरी प्रकरण: बीडीओ आणि कर्मचाऱ्यांना नोटिसा!
कोण करू शकतो रक्तदान?
18 ते 65 वर्षे वयोगटातील, आणि 45 किलोपेक्षा जास्त वजन असलेले निरोगी व्यक्ती रक्तदान करू शकतात.
रक्तदान करण्याचे फायदे:
- रक्तदानामुळे हृदयरोग आणि कर्करोगाचा धोका कमी होतो.
- रक्तदानामुळे वजन नियंत्रित राहण्यास मदत होते.
- रक्तदानामुळे नवीन रक्तपेशींची निर्मिती होते.
- रक्तदानामुळे गरजू व्यक्तीचे प्राण वाचू शकतात.
जामखेड पोलीस स्टेशन रक्तदात्यांना पुढील विनंती करते:
- जामखेड शहर आणि तालुक्यातील सर्व नागरिक, युवा, विविध संस्था आणि संघटनांचे पदाधिकारी या रक्तदान शिबिरामध्ये मोठ्या प्रमाणात सहभागी होऊन रक्तदान करावे.
- रक्तदान करण्यासाठी संपर्क साधा:
- पोलीस निरीक्षक अविनाश ढेरे – 8888837545
- पोलीस कॉन्स्टेबल प्रकाश जाधव – 8806623459
रक्तदान हा महादान आहे. गरजू व्यक्तीला मदत करा आणि आपले जीवन सार्थक करा!
