Rohit Pawar | मंत्रालयात आलेली महागडी लम्बोर्गिनी कार सध्या चर्चेचा विषय बनली आहे. मुख्यमंत्री देवेंद्र फडणवीस (Devendra Fadnavis) यांनी मंत्रीमंडळात दलालांची एंट्री रोखण्यासाठी मंत्रालयात विशेष पास व्यवस्था ठेवण्याचा इशारा दिला होता. मात्र, दोनच दिवसात मंत्रालयात आलेली एक काळ्या काचा असलेली लम्बोर्गिनी कार सर्वांचं लक्ष वेधून घेत आहे. मंत्रालयात सामान्य नागरिकांना प्रवेश मिळवण्यासाठी तासन्तास रांगेत उभं राहावं लागते, मात्र या महागड्या गाडीला गेटवर कोणत्याही प्रकारची अडचण आली नाही. यामुळे या गाडीची मालकी कोणाची आहे याबाबत अनेक तर्कवितर्क सुरू झाले आहेत. (Rohit Pawar)
आता, आमदार रोहित पवार यांनी या कारच्या मालकाचे नाव उघड केले आहे. त्यानुसार, ही गाडी कुमार मोरदानी नावाच्या व्यक्तीच्या आहे. पवारांनी सांगितले की, मोरदानी यांच्याकडे ५० पेक्षा जास्त कंपन्या नोंदवलेल्या आहेत आणि यांचा संबंध अनेक मोठ्या आर्थिक घोटाळ्यांशी आहे. त्यांच्यावर फसवणुकीचे आरोप असून, ते बँकांना लाखो रुपयांचा चुना लावून अनेक प्रकल्पांच्या रकमांची गैरवापर करत आहेत. २०१७ मध्ये सुद्धा त्यांच्यावर शासनाच्या फसवणुकीचा आरोप करण्यात आला होता.
वाचा: वाल्मिक कराड यांचे पुण्यातील संपत्तीविषयक खुलासे, एफसी रोडवर तब्बल 40 कोटींची दुकाने अन् बरचं काही…
मंत्रालयात आलेली ही गाडी जलसंपदा मंत्री राधाकृष्ण विखे पाटील यांना भेटण्यासाठी आलेल्या व्यक्तीची होती, असं सांगण्यात आलं आहे. तसेच, पवार यांनी त्यांना भेटण्यासाठी एका मंत्र्याची चर्चा देखील केली आहे. त्यांच्यावर असलेले आरोप आणि त्यांची महागडी जीवनशैली लक्षात घेतल्यास, हे प्रकरण अधिक गंभीर बनते.
मंत्रालयातील सुरक्षा यंत्रणा आणि नियमांकडे दुर्लक्ष करत या गाडीला विशेष स्थान दिलं गेलं. यावर रोहित पवारांनी उपमुख्यमंत्री कार्यालयाच्या हस्तक्षेपाचा इशारा दिला आहे. हे प्रकरण राज्यातील कायदा व सुव्यवस्थेचा प्रश्न ठरू शकतो, कारण एकाच बाजूला भ्रष्टाचार वाढत असताना, दुसरीकडे सामान्य जनतेला न्याय मिळवणं कठीण होत आहे.
हेही वाचा:
• कर्जत तालुक्यात धक्कादायक घटना! अज्ञात व्यक्तीचा खून करून मृतदेह जमिनीत पुरला अन्….
• कर्जत नगरपंचायतची धाडसी कारवाई! प्लास्टिक मुक्त कर्जत करण्यासाठी महत्त्वपूर्ण उचलले पाऊल
