Ganja Seized | वाशी पोलिसांनी एका मोठ्या सापळ्याद्वारे १६ लाखांचा ८१ किलो गांजा जप्त केला आहे. स्थानिक गुन्हे शाखेच्या पथकाने बुधवारी (ता. २२) मांडवा शिवारात कारवाई करत दोन व्यक्तींच्या ताब्यातून ८१ किलो गांजा व चार वाहने जप्त केली. या कारवाईत २७ लाख रुपयांचा मुद्देमाल पोलिसांनी जप्त केला आहे. (Ganja Seized)
पोलिसांना मिळालेल्या माहितीनुसार, बीड जिल्ह्यातील धाराशिव, अहिल्यानगर येथील काही व्यक्ती एक तस्करी करणारी टोळी चालवित आहेत, जी गांजाची विक्री करत होती. स्थानिक गुन्हे शाखेचे सहायक पोलिस निरीक्षक सुदर्शन कासार यांच्या नेतृत्वाखाली पोलिस पथकाने या टोळीला पकडण्यासाठी सापळा रचला. पोलिसांना माहिती मिळाली होती की, या टोळीचे सदस्य मांडवा शिवारात चारचाकी वाहनातून गांजा विक्रीसाठी येणार आहेत.
वाचा: व्यंगचित्रकार ते लाडके हिंदुहृदयसम्राट! तुम्हाला बाळासाहेबांबद्दल ‘या’ गोष्टी माहित आहेत का?
यावरून स्थानिक गुन्हे शाखेच्या पथकाने संबंधित ठिकाणी सापळा रचून वाहनांवर छापा टाकला. कारमध्ये प्लॅस्टिकच्या चार गोण्या असलेल्या गांजाचा शोध लागला. ८१ किलो ४८८ ग्रॅम गांजा पोलिसांना मिळाला, ज्याची बाजारपेठेतील किंमत १६ लाख २९ हजार ७६० रुपये आहे. या छापामारीत दोन आरोपींना ताब्यात घेतले, तर इतर चार आरोपी अंधाराचा फायदा घेत फरार झाले.
संपूर्ण कारवाईमध्ये एकूण २७ लाख २९ हजार ७६० रुपयांचा मुद्देमाल जप्त झाला. यामध्ये गांजासोबत चारचाकी वाहनांची किंमत ११ लाख रुपये आणि तीन दुचाकी वाहने समाविष्ट आहेत. पोलिसांनी आरोपींविरुद्ध एनडीपीएस कायद्यांतर्गत गुन्हा दाखल केला आहे. आरोपींच्या नावांमध्ये प्रसाद ऊर्फ विकी भागवत पवार (२२ वर्षे, साळेगाव, केज) आणि गंगाराम ऊर्फ शेषराव रावसाहेब पवार (३६ वर्षे, सदाफुले वस्ती, जामखेड) यांचा समावेश आहे. पोलिस अधिकाऱ्यांनी दावा केला आहे की फरार आरोपींचा शोध घेण्यासाठी कार्यवाही सुरू आहे. पोलिस अधीक्षक संजय जाधव आणि अपर पोलिस अधीक्षक गौहर हसन यांच्या मार्गदर्शनाखाली ही कारवाई करण्यात आली.
हेही वाचा:
• लाडक्या बहिणीसाठी आनंदाची बातमी! ‘या’ तारखेपासून खात्यात जमा होणार पैसे; उपमुख्यमंत्री अजित पवार
• वंजारवाडी ग्रामस्थांचा ऐतिहासिक योगदान! भगवानगडावरील माउली मंदिरासाठी १ कोटी ६१ लाख रुपयांची देणगी
