Water Crisis | अहिल्यानगर जिल्ह्यात यंदा अचानक पाणीटंचाईचे गंभीर संकट निर्माण झाले आहे. सामान्यत: पाणीटंचाईचा अनुभव उन्हाळ्याच्या मध्यावर होतो, पण यंदा पाणी पातळी जानेवारी-फेब्रुवारीतच कमी होऊ लागली. यामुळे जिल्ह्यात पिण्याच्या पाण्याची मागणी प्रचंड प्रमाणात वाढली आहे. संगमनेर तालुक्यातील ५ गावे आणि ८ वाड्यांना ६ टॅंकरद्वारे पाणी पुरवठा केला जात आहे, तसेच इतर तालुक्यांमध्येही टॅंकरची (Water Crisis) मागणी मोठ्या प्रमाणावर वाढली आहे. येत्या महिन्यात टॅंकरांची संख्या वाढण्याची शक्यता व्यक्त केली जात आहे.
यंदा पावसाळ्यात चांगला पाऊस झाला होता आणि जलयुक्त शिवार अभियानामुळे शेतकरी वर्गाला फायदे होईल, असे अपेक्षे होते. पण परिस्थिती उलट झाली आहे. विहिरी, पाझर तलाव आणि गावातील तलाव कोरडे पडले असून शेतकरी वर्गाने पिकांसाठी पाणी मिळविण्यात अडचणींचा सामना केला आहे. या सर्वांचा परिणाम शेती आणि पिण्याच्या पाण्याच्या टंचाईवर झालेला आहे.
अहिल्यानगर जिल्ह्यात जलजीवन योजना अंमलात आणण्यासाठी कोट्यवधी रुपये खर्च केले गेले. या योजनांचा उद्देश प्रत्येक घरातील कुटुंबाला पिण्याचे स्वच्छ पाणी पुरवठा करणे होता. पण योजनेसाठी लागलेला खर्च आणि त्याच्या अंमलबजावणीच्या निकृष्टतेमुळे ही योजना अपयशी ठरली आहे. त्यात अनेक ठिकाणी योजना अपूर्ण असून, जेथे काम पूर्ण झाले, तेथेही पाणी मिळत नाही.
खासदार नीलेश लंके यांनी या समस्येची चौकशी करण्याची मागणी केली असली तरी जिल्हा परिषदेत या तक्रारींवर कोणतीही ठोस कारवाई होत नाही. जलजीवन योजना फसली असतानाही तींची परिस्थिती अधिक गंभीर होत चालली आहे, ज्यामुळे लोकांना पाणी मिळण्याचे स्वप्न साकारत नाही. अशा परिस्थितीत जलजीवन योजनेचा फायदा नागरिकांना कधी मिळेल, हेच यक्षप्रश्न बनला आहे.
हेही वाचा:
• पुरवठा विभागाकडून अहिल्यानगर जिल्ह्यातील ‘या’ नागरिकांचे रेशन बंद! कर्जत-जामखेडची काय आहे अवस्था
